Á concentración, na que se gardaron cinco minutos de silencio e que tivo lugar ás portas da Casa do Concello, asistiu o alcalde de Ames xunto a membros do Goberno e da Corporación municipal, así como veciños e veciñas, empregados municipais ou membros das forzas e corpos de seguridade. 

Deste xeito, e sumándose á convocatoria da Federación Galega de Municipios e Provincias (Fegamp), dende o Concello quérese testemuñar o pésame a todos os familiares dos falecidos e falecidas así como a solidariedade e o apoio ás persoas feridas. Ademais, as bandeiras da Casa Consistorial ondean a media asta e as insignias situadas nos despachos de Alcaldía e Salón de Plenos levan crespóns negros en sinal de dor e respecto.

Con esta homenaxe, a Corporación Municipal de Ames, en nome de todos os veciños e veciñas do municipio, quixo trasladar o seu máis sentido pésame a todos os familiares das persoas falecidas, e expresar a súa solidariedade cos dos feridos.