O número de veciños e veciñas que fan uso do Punto Limpo para depositar alí os seus residuos segue incrementando cos anos, signo de que cada vez somos máis conscientes da importancia que ten facer un uso correcto dos residuos que non van aos colectores convencionais.

Durante o mes de decembro os veciños e veciñas de Ames entregaron 200 quilogramos de envases baleiros e contaminados, 300 quilogramos de pneumáticos fora de uso (38 unidades), 160 quilogramos de baterías de chumbo (11 unidades), 6 metros cúbicos de roupa, 90 metros cúbicos de voluminosos e 14 quilogramos de pilas (490 unidades aproximadamente).

Ademais, rexistrouse a entrada de 67 unidades de tubos fluorescentes e outras lámpadas, e de varios residuos, entre os que se encontran 20 metros cúbicos de escombro, 30 metros cúbicos de plásticos, 20 metros cúbicos de metais,  73 quilogramos de pinturas e 70 metros cúbicos de madeira. Compre engadir tamén os aceites, 46 litros de aceites vexetais e 32 litros de aceite de motor.

Horarios e teléfono de contacto
O Punto Limpo está situado na rúa das Hedras do polígono Novo Milladoiro e ata alí poden achegarse todos os veciños e veciñas de Ames para desfacerse de aqueles obxectos e materiais que non van aos colectores convencionais de materiais orgánicos, inorgánicos, vidro ou papel.

O centro está aberto preto de 40 horas semanais en xornada de mañá e tarde entre luns e o sábado. Así, o Punto Limpo abre de luns a venres de 10:00 h a 14:00 horas e de 16:00 h a 18:00 horas. Os sábados o horario é de 9:00 h a 14:00 horas e de 16:00 h a 20:00 horas. As persoas que teñan calquera dúbida poden chamar ao teléfono 981 53 66 88. Para a recollida de voluminosos e aveños a domicilio, a cidadanía que chamar ao número de teléfono 981 19 12 40.

 Novas relacionadas:

El Correo Gallego: "Aumenta a afluencia ao Punto Limpo amesán un 17 % con respecto a 2018"

Compostela 24 horas: "Ames rexistrou 579 entradas no seu Punto Limpo"