[23-09-2013] O curso de psicomotricidade educativa e preventiva, posto en marcha pola Concellaría de Educación, comezará no mes de outubro nas aulas de psicomotricidade dos colexios CEIP Agro do Muíño, CEIP A Maía e na Escola infantil do Milladoiro. Para que os pais e nais coñezan de primeira man o programa do curso de psicomotricidade educativa preventiva, desenvolveranse unhas xuntanzas informativas ao longo desta semana. O luns 23 de setembro, ás 17:00 horas, haberá unha reunión no CEIP Agro do Muíño. Para o martes 24 de setembro, ás 18:00 horas, está prevista esta mesma reunión no CEIP A Maía. Por último, o xoves 26 de setembro, ás 17:00 horas, a reunión informativa desenvolverase na Escola de Educación Infantil do Milladoiro. Premendo nos enlaces que están a túa dereita, baixo o apartado de descargas, poderás obter máis información sobre esta actividade.