[02-10-2013] O Concello de Ames informa de que os días 2 e 3 de outubro de 2013 (mércores e xoves) celebraranse nas Casas da Cultura de Bertamiráns e do Milladoiro respectivamente, ás 20:30 horas, as reunións anuais informativas para pais e nais dos nenos e nenas usuarios/as dos Servizos Complementarios xestionados polo Concello de Ames (Bos Días Cole, Comedor Escolar, Tardes Divertidas). As persoas que acudan a estas reunións terán a ocasión de expoñer todas as súas dúbidas e suxestións referidas a estes servizos.
A reunión en Bertamiráns, que se desenvolverá o mércores 2, estará máis enfocada nos servizos prestados no CEIP Agro do Muíño, no CEIP A Maía e no CEIP Barouta, mentres que a reunión do xoves 3 no Milladoiro centrarase nas particularidades dos servizos complementarios que se imparten na EEI Milladoiro e no CEP de Ventín, aínda que vostede poderá asistir libremente tanto no Milladoiro como en Bertamiráns, con independencia do centro escolar no que estea matriculado o seu fillo/a.