[10-02-2014] Durante a xornada de hoxe, luns 10 de febreiro, o Concello de Ames retoma as actividades deportivas previstas no pavillón e no IES do Milladoiro despois de que na fin de semana se levasen a cabo os traballos de reposición da cuberta do pavillón, que se desprendeu o xoves debido aos fortes ventos provocados polo temporal.
Os efectos do temporal Qumaira obrigaron ao Concello de Ames a suspender o xoves e venres todas as actividades deportivas previstas tanto no pavillón como no IES do Milladoiro para garantir a seguridade dos usuarios/as desta instalación. Na mañá do venres, só unhas horas despois do temporal, procedeuse á recollida no entorno do pavillón de todos os elementos arrastrados polo vento e comezaron os traballos previos para substituír as pezas que foron levantadas pola acción do vento. Os traballos continuaron na xornada do sábado, rematando pola tarde. En total, o temporal provocou o levantamento de tres pezas da cuberta do pavillón, o que supón unha superficie de aproximadamente 45 metros cadrados.
Contido relacionado
El Correo Gallego: "El pabellón de O Milladoiro retoma actividades tras arreglarse el tejado"
La Voz de Galicia: "Abre el pabellón de Milladoiro tras los destrozos del viento"