[17-11-2014] A empresa amesá Comercial Manuel Novo SL dooulle ao Concello de Ames uns 3.000 quilos de patacas que están sendo repartidos entre as familias beneficiarias do programa municipal de alimentos. Dende o departamento de Servizos Sociais estiman que desta doazón beneficiaranse arredor de 120 familias. Ademais, recentemente repartíronse uns 10.000 quilos de alimentos non perecedoiros procedentes do Fondo Español de Garantía Agraria (CEGA), que está sufragado polo Ministerio de Agricultura e Alimentación, así como pola Unión Europea. Deste reparto beneficiáronse 200 familias de Bertamiráns e do Milladoiro.
Os técnicos do departamento de Servizos Sociais e varios voluntarios/as da OVA foron os encargados de recoller e almacenar os 3.000 quilos de patacas que doou a empresa amesá Comercial Manuel Novo SL. Destes alimentos beneficiáranse arredor de 120 familias amesás que participan no programa municipal de alimentos.
O Concello de Ames quere expresar o seu agradecemento a esta empresa que desde a iniciativa privada e solidaria foi capaz de axudar, na medida das súas posibilidades, a paliar a situación precaria dalgunhas familias amienses.
Ademais, recentemente repartíronse uns 10.000 quilos de alimentos non perecedoiros procedentes do Fondo Español de Garantía Agraria (CEGA), que está sufragado polo Ministerio de Agricultura e Alimentación, así como pola Unión Europea. Deste reparto beneficiáronse 200 familias de Bertamiráns e do Milladoiro que recibiron arroz, pasta, legumes, leite, tomate frito, galletas, xudías enlatadas, etc.
Contido relacionado
El Correo Gallego: "Repártense uns 3.000 quilos de patacas entre 120 familias de Ames"
La Voz de Galicia: "Una empresa amiense dona tres mil kilos de patatas para familias sin recursos"