Este xoves, 20 de agosto, desenvolverase a segunda das dúas andainas da actividade “Camiñando no solpor”, enmarcada dentro das propostas de activades deportivas de terapéuticas de verán organizadas pola Concellaría de Deportes e Promoción da Saúde. Esta camiñada final desenvolverase en Bertamiráns, ás 20.00 horas, e terá un percorrido de 10,45 quilómetros. O punto de encontro é diante do centro de saúde da localidade e farase unha ruta con saída e chega en Bertamiráns. Pasarase pola igrexa de Santo Estevo de Covas e polos petróglifos de O Vilar. A actividade é gratuíta e non é preciso de inscrición previa.
O Concello de Ames, a través da Concellaría de Deportes e Promoción da Saúde, está organizando durante o mes de agosto o programa de andainas “Camiñando no solpor”. Tratase dunha serie de dúas andainas que se realizan durante dous xoves do mes de agosto no Milladoiro e Bertamiráns. As camiñadas comezan ás 20.00 horas e teñen unha duración aproximada de dúas horas.
A última desta serie de andainas terá lugar mañá, día 20 de agosto, con saída e chegada en Bertamiráns, pasando pola igrexa de Santo Estevo de Covas e polos petróglifos de O Vilar. Percorrerase unha distancia de 10,45 quilómetros. A primeira deste par de andainas desenvolveuse o pasado día 6 dende o centro de saúde do Milladoiro. Neste caso realizouse unha andaina por Ventín, na que 25 persoas achegáronse ata a Carballeira dos Trasgos e volveron cara O Milladoiro.
Actividades deportivas e terapéuticas de verán
“Camiñando no solpor” é unha das propostas de actividades deportivas e terapéuticas de verán que organiza o departamento de Promoción da Saúde para este verán. Ao longo dos meses de xullo e agosto, impartíronse diferentes actividades, todas gratuítas e sen necesidade de inscrición previa: ioga, ioga terapéutico, taichi-chikung e aquagym.
Polas mañás do mes de xullo impartíronse as actividades de taichi-chikung, do 1 ao 15 de xullo; o ioga terapéutico, que se desenvolveu entre o 17 e o 31 de xullo; e a actividade de ioga realizouse durante os mércores e venres do mes de xullo na piscina descuberta de Bertamiráns, e no Milladoiro os martes e xoves nos xardíns na piscina descuberta da localidade. Por outro lado, nas tardes do mes de xullo impartíronse as sesións de aquagym.
Novas relacionadas:
La Voz de Galicia: "Ames pecha o programa de andainas no solpor"
Diario de Santiago: "Remata o programa de andainas “Camiñando no solpor” cunha nova actividade hoxe xoves en Bertamiráns"
