Co obxectivo de establecer unha comunicación de resposta inmediata, información precisa e eficaz e respectando a privacidade de cada usuario/a, a partir deste curso a Escola Municipal de Música de Ames e o servizo da Rede municipal de comedores escolares comenzarán a empregar a aplicación Tokapp para enviar toda a información relacionada coa escola a través desta plataforma de comunicación.

Para que todas as persoas matriculadas na Escola de Música e na Rede de comedores escolares teñan acceso a estas comunicacións, deberán descargar a aplicación gratuíta TokApp School nos seus teléfonos.

Para poder recibir dita información hai que entrar na tenda App Store ou Play Store do teu teléfono, buscar a aplicación de TokApp School e descargala. Trátase dunha aplicación gratuíta. Hai que abrir a aplicación, seleccionar o teu país e validar o teléfono ou o enderezo electrónico que facilitaches no centro escolar ao inicio do curso. Posteriormente, hai que escribir o nome de usuario/a e contrasinal que queiras utilizar e mover a icona da aplicación á pantalla principal do teu móbil. Para calquera dúbida ou consulta, podes contactar con Soporte Técnico de TokApp School (soporte@TokApp.com).

Nos vindeiros días colocaranse nas aulas da escola carteis coas instrucións a seguir para a descarga da aplicación e enviaranse aos correos electrónicos facilitados no momento da matrícula un aviso para que se faga a descarga. O persoal da Escola de Música e do departamento de Educación, no que proximamente se vai implantar tamén este novo sistema de avisos, participou esta semana nunhas xornadas de formación desta aplicación.

Novas relacionadas:

Compostela 24 horas: "O sistema dixital dos comedores escolares comezará a funcionar o vindeiro 15 de outubro"