[05-05-2017] Dende o departamento de Educación informan de que este venres, 5 de maio, saíron publicadas as listas provisionais de admitidos e excluídos na escola infantil municipal O Bosque, de Bertamiráns. Estas mesmas listas, pero da escola infantil municipal A Madalena, do Milladoiro, serán publicadas o mércores 10 de maio. A partir da publicación destas listas hai un prazo de 10 días hábiles para posibles alegacións. Pasado dito prazo publicaranse as listas definitivas. Unha vez adxudicada a praza abrirase o prazo de formalización de matrícula entre os días 1 e 15 de xuño.