[05-10-2012] O Concello de Ames informa a todos os veciños e veciñas que o IMSERSO, do Ministerio de Sanidade, Servizos Sociais e Igualdade, ofrece prazas para participar no Programa de vacacións para maiores (Turismo social) 2012-2013. Para poder beneficiarse deste programa hai que ter como mínimo 65 anos cumpridos; ser pensionista de xubilación do sistema público de pensións; pensionista de viudedade do sistema público de pensións, cuxa idade sexa igual ou superior aos 55 anos; e pensionista do sistema público de pensións e prexubilado, en ambos casos con 60 anos cumpridos.
A información e entrega de solicitudes serán facilitadas nas oficinas de servizos sociais do concello, que están situadas na Casa da Cultura de Bertamiráns e nas Oficinas Xerais do Milladoiro. Os días de atención ao público son luns, martes e xoves. O prazo de presentación de solicitudes nas oficinas de servizos sociais remata o vindeiro martes, 9 de outubro de 2012. Non obstante poderán presentarse as solicitudes ata o 16 de outubro a través da páxina web www.imserso.es ou enviala por correo postal ao Apartado de Correos 10140, 28080 Madrid. Premendo no enlace que está a túa dereita, baixo o apartado de descargas, poderás obter o bando do programa de turismo social.