[04-01-2011] O Concello de Ames comunícalle a todos os veciños e veciñas que o IMSERSO, a través deste concello, ofrece prazas para participar no Programa de Termalismo Social, mediante o que poderán gozar dunha estancia de 12 días e 11 noites, en réxime de pensión completa, con seguimento médico e tratamento termal, nun dos balnearios participantes neste programa. Este programa está dirixido a pensionistas da Seguridade Social (xubilación, invalidez en todo caso) e polo concepto de viuvez ou doutras pensións sempre cando o beneficiario teña cumpridos os sesenta anos de idade.

A información e a tramitación de solicitudes serán facilitadas nas oficinas de Servizos Sociais do Concello, situadas no centro sociocultural de Bertamiráns e nas novas oficinas do Milladoiro.