[29-12-2012] O Concello de Ames informa a todos os veciños e veciñas que o IMSERSO, a través deste concello, ofrece prazas para participar no Programa de Termalismo Social, mediante o que poderán gozar dunha estancia de 10 días (9 noites) ou 12 días (11noites), en réxime de pensión completa, con seguimento médico e tratamento termal, nun dos balnearios participantes neste programa. Este programa está dirixido a pensionistas da Seguridade Social polos conceptos de xubilación, invalidez, en todo caso, e os de viuvez ou doutras pensións sempre cando o solicitante teña cumpridos os sesenta anos de idade. Hai ofertados balnearios en todas as Comunidades Autónomas de España. Os prezos varían segundo o balneario e quenda que se elixa. Para os ofertados na Comunidade Autónoma de Galicia, o prezo oscila entre os 224,79 e os 476,06 euros. Picando no enlace que está a túa dereita, baixo o apartado de descargas, poderás obter o bando do programa de termalismo social.