Preto de 4.500 veciños e veciñas de Ames empregaron ao longo de 2010 o Centro de Depósito de Residuos, Punto limpo, para depositar nel residuos que non van nos colectores convencionais. Os datos amosan que en 2010 o Punto limpo rexistrou preto de 600 usuarios máis que durante o 2009, o que confirma a boa saúde desta iniciativa necesaria para a preservación do medio ambiente.

O número de entradas durante os meses de xaneiro, febreiro, marzo, abril, maio, xuño, xullo e agosto, setembro, outubro, novembro e decembro cun total de 353, 364, 374, 320, 305, 340, 391, 459, 437, 377, 357 e 347 usuarios respectivamente, supoñen unha mostra do respecto e da preocupación dos amienses polo medio e sitúan a media do ano 2010 en 369 entradas, superior á media de 320 que se rexistrou no ano 2009 e moi superior se temos en conta a media de 2008 que era de 250 entradas.

Ao longo do ano destacan agosto e setembro como os meses con mellores datos de emprego do Punto limpo, con 459 e 437 entradas respectivamente. Abril e maio sitúanse como os meses de menor número de entradas, con 320 e 305. Os residuos que máis se achegaron ao Punto limpo foron os equipos eléctricos e electrónicos con 26.433 entradas, os tubos fluorescentes e outro tipo de lámpadas con 580 unidades e os neumáticos en desuso con 1.385 unidades. Tamén se achegaron un gran cantidade de litros de aceite. Uns 2.742 litros de aceite vexetal e 726 litros de aceite de motor.

Durante o primeiro mes deste ano mantívose esa tendencia ascendente e rexistráronse un total de 401 entradas. En xaneiro os e as amienses entregaron no Punto Limpo 2.444 quilos de equipos electrónicos, un metro cúbico de unidades de envases baleiros contaminados, 94 unidades de tubos fluorescentes e outros tipos de lámpadas, 32 pneumáticos fóra de uso, 6 baterías de chumbo e 7 quilos de pilas. A veciñanza deixou tamén 74 quilos de pintura, 18 aerosois, 6 metros cúbicos de papel, 2 metros cúbicos de roupa, 10 metros cúbicos de plásticos, 15 de metais e outros 20 de voluminosos como colchóns, sofás e escumas. Os entullos procedentes de obras menores supuxeron 90 metros cúbicos e os restos de madeira chegaron aos 20 metros cúbicos. Por último, achegáronse 291 litros de aceites vexetais e 45 de motor.

Dende a concellaría de Obras e Servizos Básicos indican que o número de entradas continúa a bo ritmo nas primeiras semanas de 2011. Durante o último mes de 2010 destacou a achega de residuos de aparatos electrónicos en desuso e de aceites vexetais.

O Punto limpo está situado na rúa das Hedras do polígono Novo Milladoiro e ata alí poden achegarse todos os veciños e veciñas de Ames para desfacerse de aqueles obxectos e materias que non van aos colectores convencionais de materiais orgánicos, inorgánicos, vidro ou papel. O centro está aberto preto de 40 horas semanais en xornada de mañá e tarde entre luns e o sábado. Así, o Punto limpo abre de luns a venres de 10:00 h. a 14:00 h. e de 16:00 h. a 18:00 horas. Os sábados o horario é de 9:00 h. a 14:00 h. e de 16:00 h. a 20:00 horas. Ao mesmo tempo, a Concellaría de Servizos Básicos mantén un servizo de recollida gratuíta de mobles e trastes que se fai todos os venres. So é preciso chamar ao 981 191 240 indicando o tipo de residuo que quere tirar e deixalo xunto ao colector de lixo máis próximo á súa vivenda.

A nova noutros medios dixitais:

Contido relacionado

El Correo Gallego: "El punto limpio fue utilizado por 4.424 amienses en 2010"
La Voz de Galicia: "Cerca de 4.500 amienses fueron al punto limpio de Milladoiro durante el 2010"