O Concello de Ames, a través da Concellaría de Mocidade, retomou as actividades do programa Trouleando que, durante o primeiro trimestre deste ano, non se realizaron actividades debido ás restricións aprobadas pola Xunta de Galicia para tratar de facer fronte á pandemia da Covid-19. Deste xeito, para o pasado sábado 29 de maio organizouse unha xornada que conxugaba diversión, deporte e aventura, para gozar dunha xornada diferente e saír da rutina semanal.

Preto de 40  mozos e mozas de Ames asistiron ao Ecoparque Multiaventura de Marín.  Durante a tarde do sábado demostraron a súa habilidade e destreza en altura. Houbo servizo de autobús,  dende Bertamiráns e dende o Milladoiro .

A concelleira de Mocidade, Escarlata Pampín, destaca que despois destos meses tan difíciles que nos preceden resulta moi gratificante programar actividades que fagan que a nosa mocidade pase unha xornada diferente e desfrute ó aire libre de xeito que se cumplan as medidas sanitarias aínda presentes.