[20-02-2018] O Concello de Ames informa que na Xunta de Goberno Local do día 8 de febreiro de 2018 aprobouse de xeito inicial o plan especial de reforma interior “Rego dos Pasos Norte II” polígono B4-07 do PXOM de Ames, promovido por Construcciones Obras y Viales, S.A., COVSA e redactado polo arquitecto Carlos Berride Abalo. Este documento foi presentado o 25 de setembro do 2017 (R.E. 201799900000707) polo arquitecto redactor, trala formulación do correspondente informe ambiental estratéxico da Dirección Xeral de Calidade Ambiental e Cambio Climático mediante Resolución do 26 de xullo do 2017.
O devandito documento de Plan Especial de Reforma Interior do APR P.B4-07 será sometido a exposición pública polo prazo de dous meses, mediante anuncio que se publicará no Diario Oficial de Galicia e nun dos xornais de maior difusión na provincia. Así mesmo, notificaráselles individualmente a todas as persoas titulares catastrais dos terreos afectados. Premendo na ligazón que está a túa dereita, baixo o apartado de descargas, poderás obter o devandito plan especial.