[24-02-2017] O Concello de Ames informa de que o vindeiro luns, 27 de febreiro de 2017, terá lugar en Bertamiráns a Festa de Entroido 2017, que se vai desenvolver no aparcadoiro da Telleira. Debido a iso, o referido aparcadoiro quedará pechado durante a celebración da festa, e polo tanto queda prohibido o estacionamento no aparcadoiro dende as 12 da noite do domingo 26 de febreiro ata as 12 do mediodía do martes 28 de febreiro de 2017. Premendo na ligazón que está a túa dereita, baixo o apartado de descargas, poderás obter o aviso de dito peche.
Así mesmo queda prohibido estacionar nos tramos das rúas Cómaro, Travesía do Lodeiro, Lodeiro e avenida da Peregrina, que rodean o aparcadoiro, dende as 14:00h ata as 20:00h do luns 27 de febreiro de 2017.
O desfile que está previsto que saia ás 18:00 do aparcadoiro da Telleira, percorrerá as rúas avenida da Peregrina, avenida da Maía, Poeta da Maía, Pedregal, avenida da Maía e avenida da Peregrina.