- Tematica
A Aula AMTIC do Milladoiro acollerá ao longo de todo o mes de agosto un campamento dixital dirixido para a mocidade de entre 9 e 17 anos, unha proposta na que poderán aprender e adquirir diferentes competencias dixitais dun xeito divertido. A actividade desenvolverase de luns a venres, en horario de mañá, ao longo do mes de agosto, en catro quendas diferentes (unha por cada semana). Ao finalizar o campamento, os participantes recibirán un certificado que avala as competencias adquiridas. As prazas para participar son limitadas. Podes inscribirte a través da seguinte ligazón.
Dende a Concellaría de Mocidade, infórmase de que ao longo do mes de agosto, a Aula AMTIC do Milladoiro acollerá un campamento dixital, dirixido para os menores de entre 9 e 17 anos. Con este programa, a mocidade poderá adquirir diferentes habilidades e competencias dixitais a través de xogos, retos creativos e traballo en equipo. Deste xeito, poderán aprender a utilizar a tecnoloxía dunha forma positiva, para potenciar así un uso saudable dela e impulsar a creatividade dos menores na contorna dixital.
Esta actividade é gratuíta e está incluída dentro do Programa de Competencias Dixitais para a Infancia (CODI), impulsado polo Ministerio de Xuventude e Infancia, financiado cos fondos Next Generation da Unión Europea.
O campamento impartirase en catro quendas, correspondentes a cada semana do mes de agosto, de luns a venres en horario de mañá. Haberá diferentes grupos divididos por idades: de 9 a 11 anos, de 12 a 13 anos e de 14 a 17 anos. Así mesmo, os educadores que imparten o curso, adaptan a aprendizaxe ás necesidades de cada nivel e de cada menor, para sacar o máximo proveito á experiencia.
As praza para participar son limitadas. As persoas interesadas en participar poden facelo a través da seguinte ligazón ou escaneando o QR que aparece na imaxe ao pé desta nova. Para resolver calquera dúbida, pódese enviar un correo electrónico ao enderezo familias@campamentofigital.org ou chamando ao teléfono 674 72 76 23.
