A visita farase en horario de tarde, de 16.00 a 17.30 horas, e estará dirixida a toda as persoas interesadas. Para participar hai que inscribirse este sábado 11 de outubro pola mañá nos postos do mercado.

A concelleira de Promoción Económica, Ana Belén Paz, explica que “todos os sábados vanse a facer distintas actividades que estarán dirixidas a todos os públicos. Trátase de crear un espazo de encontro entre veciñanza e produtores para poñer en valor os produtos de horta e artesanía de proximidade”. 

Na Horta de Pablo poderase coñecerse in situ:
-Árbores como pereiras, maceiras e ameixeiras de variedades autóctonas.
-Unha variedade de froita que nesta tempada están á venda no mercado e que non son moi habituais nas hortas da Maía, tales como o caviar cítrico, o limaquat, os pomelos, os limóns catro estacións, as mandarinas, os kiwis encarnados, amarelos e verdes, os pecanerosos, e os aguacates de varias variedades.
-Plantas aromáticas como a pimpinela, a valeriana, a melisa e as mentas.
-Hortalizas como os pementos habaneros, jalapeños e ají.

Ademais, falarase de moitas outras técnicas e especies que fan do mercado un espazo de compra único. Con estas visitas e actividades tamén se quere converter o mercado nun espazo de encontro, coñecemento e valorización dos alimentos e produtos de artesanía.

Solicitude de participación
O prazo para poder montar un posto no novo mercado estará aberto ao longo de todo o ano. A solicitude pode facerse enviando cuberto o impreso de solicitude, que se pode descargar na seguinte ligazón, a través da Sede electrónica do Concello de Ames, de forma presencial nas oficinais municipais de Bertamiráns e do Milladoiro ou a través de calquera outro dos medios ao que se refira o artigo 16 da Lei 39/2015 do 1 de outubro de Procedemento Administrativo Común das AAPP.