Para acollerse a esta promoción, os veciños e veciñas amienses, só deberán presentar o seu DNI ou calquera documento oficial que verifique a súa residencia en Ames á hora de adquirir a súa entrada tanto en venda anticipada (nas oficinas do club de luns a venres en horario de 10.00 a 14.00 horas, ou na Tenda Oficial "Miudiño Store" na Área Central local Blusens, de mércores a sábado de 17.00 a 22.00 horas) como na billeteira do pavillón o mesmo día do partido.

O proxecto "Cidades Amigas" pretende involucrar a todas as localidades galegas no seu desenvolvemento, fomento e popularización do baloncesto co obxectivo de que sega medrando. Esta iniciativa que pretende dinamizar a identificación dos afeccionados co Rio Natura Monbus e coa práctica do baloncesto, terá lugar este domingo, 26 de xaneiro, no partido que dispute o Obradoiro CAB ante o Bilbao Basket, ás 12.15 horas, e ante o Iberostar Tenerife, que se disputará o domingo 2 de febreiro, ás 12.00 horas.

Esta iniciativa que comezou no mes de novembro, levarase a cabo durante toda a tempada e en cada partido que o conxunto obradoirista dispute no Fontes do Sar. Nesta ocasión a veciñanza do concello de Ames poderá beneficiarse destes descontos. Por tan só 9 euros poderán ver un dos partidos mencionados anteriormente, e por 18 euros, terán a opción de gozar dos dous partidos de baloncesto que o Obradoiro CAB xoga como local na vindeira quincena.

Contido relacionado

La Voz de Galicia: "Los vecinos de Ames podrán acogerse a descuentos durante los próximos dos partidos del Obradoiro"
El Correo Gallego: "Os veciños de Ames poderán beneficiarse de descontos durante os dous próximos partidos do Obradoiro CAB"