- Tematica
A Casa da Cultura do Milladoiro acollerá este venres, 9 de xuño, a gala de entrega de premios do XX Certame Literario do Concello de Ames, a partir das 20:00 horas. O evento conducirao o actor e músico Josito Porto, que tamén se encargará, xunto con Sabela Dacal e Rafa Otero, dunha das partes musicais da gala. Porto, integrante de grupos tan recoñecidos no ámbito teatral como o Centro Dramático Galego, Teatro de Adro ou Sarabela Teatro, ten na súa traxectoria artística tres premios María Casares.
A outra parte musical poñerana o grupo de Linguaxe Musical e o Combo Folk da Escola Municipal de Música de Ames (EMMA). O acto, aberto para calquera persoa que queira asistir, contará coa presenza de todas as persoas premiadas nesta edición e de representantes do xurado encargado de avaliar os textos presentados ao concurso. A entrada será libre e gratuíta.
O xurado da vixésima edición do Certame Literario do Concello de Ames, nunha xuntanza celebrada o pasado 24 de maio, acordou de maneira unánime os textos gañadores de poesía e narrativa do concurso. Este ano recibíronse 167 traballos, procedentes de toda Galicia e doutros puntos máis afastados da xeografía, como Madrid, Extremadura ou Polonia. As obras gañadoras chegaron dun total de 14 concellos: Negreira, Touro, Sada, Ames, A Coruña, Marín, Teo, Santa Comba, Nigrán, Arteixo, Carballo, Cangas, Lugo e Mos.
En total, resultaron premiadas un total de 18 persoas, entre as distintas modalidades (narrativa e poesía) e as diversas categorías por idades. Preme aquí para consultar a acta da reunión do xurado, cos nomes das persoas premiadas e os títulos das obras.
Novas relacionadas:
El Correo Gallego: "Ames entregará dieciocho premios literarios a autores de 14 ayuntamientos este viernes"
