Martes, 23 de decembro de 2014
[23-12-2014] Os establecementos de hostalería do Concello de Ames poderán pechar unha hora máis tarde durante as Festas de Nadal. En concreto, estarán autorizados para facelo os días 24, 25 e 31 de decembro e os días 4, 5 e 6 de xaneiro de 2015.
O consistorio amesán vén de solicitarlle á Xunta de Galicia o permiso para poder efectuar a ampliación do horario de peche dos establecementos públicos tras as diversas solicitudes recibidas nos últimos días.