[28-04-2017] O martes 2 e o mércores 3 de maio estará pechada a rúa Raxoeira do Milladoiro debido a que se van a realizar traballos de fresado do pavimento actual e vaise a asfaltar co obxectivo de mellorar o estado do firme da vía. Deste xeito, os vehículos non poderán circular nin estacionar nesta rúa dende ás 8:00 horas do día 2. Estas obras foron adxudicadas á empresa Obras y Viales de Galicia SL (OVIGA SL).
O goberno municipal ten o obxectivo de ir mellorando as rúas dos núcleos urbanos do Milladoiro e de Bertamiráns que presentan máis deficiencias. Neste caso vaise a reparar a calzada da rúa da Raxoeira, situada no núcleo urbano do Milladoiro. A través desta obra quérese mellorar a capa de rodaxe desta vía en sete treitos, de 30,40x11,10; 7,40x7,50; 12,50x8,50; 18,70x11,10; 2,00x6,10; 26,00x1,00 e 30x11,00 metros, coa aplicación de cinco centímetros de aglomerado en quente, previo fresado do pavimento existente que se atopa nun estado claramente deficiente.