Ferrol foi a localidade escollida para acoller o Campionato Galego Cadete de Karate, así como o Júnior e Sub-21 II Copa Máster, que se celebraron de xeito conxunto o pasado 11 de outubro. Nesta ocasión, os amesáns Xoán David e Olivia Parga volveron subir ao podio nas súas respectivas categorías. 

Pola súa parte, Xoán David proclamouse campión galego na categoría sub21 <60kg tras gañar o seu combate por un amplo resultado de 11-2 contra un rival ferrolán do club Gran Bazán. 

En canto a Olivia Parga, a deportista do Milladoiro acadou a medalla de prata na categoría de cadete <47kg tras un axustado combate que perdeu por un 6-4. 

Con estes resultados, ámbolos dous karatekas aseguraron a súa participación na preselección para o Campionato de España que se celebrará en Xaén no vindeiro mes de novembro.

Novas relacionadas:

Ames Go: "Xoán David Parga, campión galego de Kárate sub 21<60Kg e Olivia Parga subcampioa en cadete <47Kg"

Diario de Santiago: "Os amesáns Xoán David Parga e Olivia Parga conseguiron a medalla de ouro e prata no Campionato Galego de Karate"