Coincidindo co inicio do verán, a Concellaría de Xuventude organiza para este mes de xuño unha nova actividade do programa Trouleando. Desta volta prográmase unha xornada no Aquapark de Cerceda, un parque acuático cunha ampla e variada gama de atraccións nas que pasar unha xornada de ocio con aquatubos, piscina de ondas, roaller coaster, tobogán de donuts, kamikaze, etc.

A actividade terá lugar o xoves 22 de xuño. Haberá servizo de autobús dende o Pazo da Peregrina ás 11.15h e dende a Casa da Cultura do Milladoiro ás 11.30 horas. O regreso aproximado está previsto para as 20.15h no Milladoiro e 20.30h en Bertamiráns.

Poden inscribirse os/as mozos/as empadroados/as no concello de Ames, dende os 12 anos cumpridos (nados en 2010), enviando a ficha cuberta e asinada a xuventude@concellodeames.gal entre o 8 e o 14 de xuño. As prazas son limitadas (55 por orde de chegada ata completar as prazas dispoñibles). Será preciso contar cun mínimo de 25 mozos/as para desenvolvela actividade, en caso contrario, o Concello de Ames, poderá anular a actividade.

Para resolver posibles dúbidas pódese contactar coa Concellería de Xuventude a través do correo electrónico xuventude@concellodeames.gal. Os/as participantes deben levar mochila con toalla, roupa de baño, chanclas, gorra, crema solar factor 50, e muda. Os participantes tamén deben levar a comida e merenda da casa, ou adquirila comprándoa no propio parque.

Novas relacionadas:

El Correo Gallego: "O programa Trouleando invita á mocidade amesá ao Aquapark de Cerceda"

AMS GO!: "Xornada no Aquapark de Cerceda no programa Trouleando de Ames"