[02-11-2011] Este sábado 5 de novembro, en horario de mañá de 10:00 h a 14:00 horas, a operadora de telecomunicacións galega internetrural.eu estará nos lugares de Bugallido e Oca para amosarlle a todos os veciños e veciñas amienses o seu sistema de acceso a internet vía satélite de banda ancha. Esta tecnoloxía permitirá ofertar accesos de internet con velocidade de ata 10Mb e dar servizo aos fogares e empresas que aínda a día de hoxe carecen de cobertura para navegar a alta velocidade pola rede, así como acceder a contidos de ocio, televisión e radio. A empresa internetrural.eu ofrece este servizo a través do satélite KA-SAT de Eutelsat. Esta empresa pretende igualar a calidade de conexión e a velocidade de acceso dos veciños/as do rural coas de calquera cidade de Galicia, ademais de ofrecer as empresas unha maior competitividade no seu eido de influenza.