[15-09-2017] A Concellaría de Educación e Cultura colabora coa Asociación Cultural "Madalena do Milladoiro" para poñer en marcha unha nova iniciativa que se denomina “Imos de vermú”. Trátase de dinamizar o sector hostaleiro do Milladoiro, para que a veciñanza vaia tomar o vermú e se quede a xantar, ao mesmo tempo que goza de música en directo. Este programa inclúe catro actuacións entre o 16 de setembro e o 7 de outubro. Durante os meses de xuño, xullo e comezos de agosto desenvolveuse o programa de “Noite na Terraza”.
Este sábado, 16 de setembro, comeza o programa Imos de vermú-Xantamos-Postre ou Café, que se vai a desenvolver nos locais hostaleiros do Milladoiro. A través desta iniciativa trátase de dinamizar o sector hostaleiro do Milladoiro e de animar as xornadas dos sábados, para que a veciñanza goce do seu tempo de lecer ao tempo que escoita actuacións de grupos de música en directo. Este programa conta coa colaboración do Concello de Ames a través da Concellaría de Educación e Cultura.
A primeira xornada terá lugar mañá na Cervexería Gallaecia coa actuación do dúo Cibeles (música de onte, de hoxe e de sempre). A segunda xornada celebrarase o sábado 23 de setembro (está pendente de pecharse o local onde se vai desenvolver e mailo grupo que vai actuar). A terceira xornada será o sábado 30 de setembro na Tapería Entreportas, onde actuará a Banda de Nash, mentres que na cuarta e última xornada (o sábado 7 de outubro) actuará Ángel América no restaurante La Llama.
Haberá dous pases de música en directo. O primeiro, de 13:15 a 14:30 horas, e o segundo, de 15:15 a 17:00 horas. Trátase de dinamizar o sector hostaleiro do Milladoiro, para que a veciñanza vaia tomar o vermú e se quede a xantar, ao mesmo tempo que goza de música en directo. Cómpre lembrar que durante os meses de xuño, xullo e comezos de agosto desenvolveuse o programa de “Noite na Terraza”, que tiña o mesmo obxectivo que esta iniciativa.
Contido relacionado
El Correo Gallego: "Arrinca o programa Imos de vermú xunto coa hostaleiría do Milladoiro"