Pestanas principais

O padexeiro do Club de Piragüismo Ribeiras do Tambre, Gabriel Martínez Pachón, participa no Campionato do Mundo de Sprint Júnior 2019

Venres, 02 de agosto de 2019

Gabriel Martínez Pachón, padexeiro do Club de piragüismo Ribeiras do Tambre, está participando no Campionato do Mundo de Sprint Júnior 2019, que se celebra do 1 ao 4 de agosto na localidade de Pitesti (Romanía). Gabriel Martínez participa neste campionato do Mundo na súa proba favorita, o K-1 200 metros. Este xoves, 1 de agosto, comezou a súa participación en dito campionato clasificándose para a proba de semifinais.

Gabriel Martínez Pachón, padexeiro do Club de piragüismo Ribeiras do Tambre, está participando no Campionato do Mundo de Sprint Júnior 2019 que se celebra do 1 ao 4 de Agosto na localidade romanesa de Pitesti (Romanía). Gabriel Martínez participa neste campionato do Mundo na proba de K-1 200 metros.
 
Este xoves, 1 de agosto, comezou a súa participación en dito campionato na quinta eliminatoria (ás 15:00 horas), conseguindo a segunda praza na mesma e dándolle acceso ás semifinais. O padexeiro amesán logrou un tempo de 00:00:37.102. Quedou na segunda praza a 00:00:00.406 do padexeiro canadense Laurent Lavigne.

Este sábado, 3 de agosto, ás 08:10 (horas española) disputa a semifinal. Para poder optar á final terá que quedar entre os 3 primeiros. A final disputarase tamén mañá sábado ás 10:47 horas. Todas as persoas que queiran seguir a semifinal pódeno facer a través do enderezo web: https://www.canoeicf.com/es.

Dende o Club de piragüismo Ribeiras do Tambre expresan o orgullo que representa para o este club e para todo Ames que, por segundo ano consecutivo, o padexeiro, Gabriel Martínez, estea participando no Campionato Mundial júnior de piragüismo sprint, que se está celebrando na localidade romanesa de Pitesti nos primeiros días de agosto.

Ligazóns:

Compostela 24 horas: "O padexeiro do amesá, Gabriel Martínez Pachón, participa no Campionato do Mundo de Sprint Júnior 2019"

Imaxe de Gabriel Martínez competindo