O novo servizo de Axuda no Fogar foi adxudicado á empresa SS Ulla Sar por un importe de 1.908.327,72€ e un período de 2 anos prorrogables 1+1. Esta licitación trae parella unha serie de melloras que comezarían polo aumento de número de horas a prestar. 9.300 horas máis dedicarán os/as auxiliares de axuda no fogar ao servizo, de xeito que o total será de 55.597horas. Ademais, a regulación no propio prego dos horarios dos diferentes servizos, permitirá que os/as auxiliares poidan completar na medida do posible as súas xornadas, puidendo organizarse por zonas o que implicará que se limiten ou diminúan os desprazamentos entre domicilios.

Servizos novos e máis material de axuda
Ás melloras no eido das asistencias técnicas, súmanse coa nova adxudicación melloras nos servizos e no material de axuda ás persoas con mobilidade reducida. Coa nova adxudicación disponse de máis camas articuladas, colchóns antiescaras, grúas, asentos xiratorios e barras para bañeira, orugas salvaescaleiras, patas de elefante e adaptadores de bañeira e de WC.

Asemade, aos servizos de podoloxía, perruquería, fisioterapia, enfermería e limpezas de choque, súmanselle agora os servizos de fumigación, taxi e taxi adaptado, acompañamentos puntuais, excursións e saídas.Cómpre salientar tamén que a nova empresa adxudicataria comprométese á dedicar horas á formación do persoal.

A concelleira de Servizos Sociais, Luísa Feijoó  manifesta que “para nós non é un servizo mais senón un dereito. A nosa intención é seguir ampliando e mellorando este  servizo na medida do posible ao igual que as condición dos e das auxiliares , sector feminizado e precarizado , dignificando o seu traballo xa que son o motor do servizo e os nosos ollos nos domicilios”.

Novas relacionadas:

La Voz de Galicia: "Ames amplía en 9.300 horas el servicio de ayuda en el hogar con la nueva contratación"

El Correo Gallego: "Medran un 20 % as horas de axuda no fogar en Ames"

Revista AmsGo: "Aumentado o Servizo de Axuda no Fogar"