[09-06-2016] A compañía Duelirium, un dúo artístico formado por Raquel Oitavén e Mercé Solé, presenta este domingo na praza de Chavián, en Bertamiráns, o seu novo espectáculo “Welcome”. A representación comezará ás 13:00 horas e é gratuíta.
“Welcome” desenvólvese nun cuarto de 12 metros cadrados, cuxas paredes -invisibles- son testemuña do reencontro de dúas amigas tras unha longa tempada sen verse. O público presenciará, na praza de Chavián de Bertamiráns, as anécdotas, risas e líos que as dúas mulleres protagonizarán nesa habitación.
Raquel Oitavén e Mercé Solé levan 10 anos estudando e traballando xuntas no eido das artes escénicas; ambas son técnicas de seguridade en circo e imparten clases e obradoiros.
Contido relacionado
El Correo Gallego: "Espectáculo na praza de Chavián mañá e gala da Escola de Música"