[22-09-2012] O Concello de Ames, a través da concellaría de Servizos, organizou dúas reunións informativas sobre os servizos complementarios que un ano máis se puxeron en marcha co inicio do curso escolar. Este luns 24 e martes 25 de setembro realizaranse as reunións informativas nas Casas da Cultura de Bertamiráns e O Milladoiro, respectivamente. Estas reunións están dirixidas aos pais e nais dos nenos e nenas que son usuarios/as dos servizos Bos días cole, Rede municipal de comedores escolares e Tardes divertidas. Os pais e nais poderán expoñer todas as súas dúbidas e suxestións referidas a estes servizos. Durante este curso, un total de 1.074 rapaces e rapazas empregarán o servizo de comedores escolares, mentres que 246 farán uso do Bos días cole e 123 están matriculados no servizo de Tardes divertidas.
Coincidindo co inicio do curso escolar o Concello de Ames puxo en marcha unha edición máis dos servizos complementarios que están dirixidos ao alumnado amiense. Durante o curso 2012-2013 uns 1.443 nenos e nenas participarán nestes servizos. Un total de 1.074 rapaces e rapazas empregarán o servizo de comedores escolares, mentres que 246 farán uso do Bos días cole e 123 están matriculados no servizo de Tardes divertidas.
Dende a concellaría de Servizos organizaron dúas reunións informativas sobre os servizos complementarios, que están dirixidas aos pais e nais dos nenos e nenas que son usuarios/as destes servizos. O luns 24 de setembro a xuntanza realizarase na Casa da Cultura de Bertamiráns, mentes que o martes 25 de setembro será na Casa da Cultura do Milladoiro. Ambas as súas xuntanzas faranse ás 20:00 horas.
A reunión que se realizará na Casa da Cultura de Bertamiráns estará centrada nos servizos que se prestan no CEIP Agro do Muíño, no CEIP A Maía e no CEIP Barouta, mentres que a reunión do día 25, que se organiza na Casa da Cultura do Milladoiro, centrarase nas particularidades dos programas que se desenvolven na Escola de Educación Infantil do Milladoiro e no CEP de Ventín. Aínda así, os pais e nais poderán asistir libremente a reunión do día 24 ou do día 25 de setembro, con independencia do centro escolar no que estea matriculado o seu fillo/a.
A Rede Municipal de Comedores Escolares reiniciou a súa actividade co fin de atender a uns 1.074 nenos e nenas, dos cales 106 necesitan un tratamento alimentario especial, que asisten aos comedores escolares durante o curso 2012/13. Este servizo, que está dirixido ao alumnado de infantil e primaria, ofrécese nos centros de ensino do CEIP Agro do Muíño, CEIP A Maía, EEI Milladoiro, CEP de Ventín e CEIP de Barouta.
De xeito paralelo ao servizo de comedores escolares desenvólvense os servizos complementarios de Bos días cole e Tardes divertidas, que permiten a conciliación da vida familiar e laboral durante as mañas (antes do comezo do colexio) e polas tardes (tras o remate do colexio). Durante o curso 2012 – 2013 están matriculados no servizo de Bos días cole un total de 246 nenos/as, mentres que en Tardes divertidas hai inscritos 123 alumnos/as.