[23-11-2012] O Concello de Ames, a través da concellaría de Servizos Sociais, Familia, Dependencia e Maiores, organizou para este mes de novembro dúas actividades informativas relacionadas coa saúde dos maiores. A primeira das actividades programadas desenvolveuse este xoves pasado no local social do Club de xubilados e pensionistas do Milladoiro. Pablo Mirás Sánchez, psicólogo da Asociación galega para a axuda dos enfermos con demencia tipo alzheimer, impartiu unha charla sobre o Alzheimer, que levou por título Memoria e Enfermidade. Esta programación continúa o vindeiro mércores, 28 de novembro, cun obradoiro de diabete. Esta actividade tamén se desenvolverá no local social de JUPEMI. A entrada é libre e gratuíta.
Este xoves pasado un gran número de veciños/as e membros do Club de xubilados e pensionistas do Milladoiro asistiron á charla sobre o Alzheimer, que organizou o Concello de Ames, a través da concellaría de Servizos Sociais, Familia, Dependencia e Maiores. Esta actividade, que se titulaba titulada Memoria e Enfermidade, tivo un gran éxito de participación. Todos os asistentes puxeron especial atención ás explicacións que impartiu Pablo Mirás Sánchez, psicólogo de AGADEA (Asociación galega para a axuda dos enfermos con demencia tipo alzheimer).
A esta charla asistiron a concelleira de Servizos Sociais, Familia, Dependencia e Maiores, Dolores Fernández, a concelleira de Muller e Igualdade, María González, e varios concelleiros do goberno municipal.
Para o vindeiro mércores 28 de novembro, ás 18:30 horas, está programado un obradoiro de diabete. Esta actividade será impartida por María Teresa Lord Rodríguez, enfermeira educadora en diabete do Complexo Hospitalario de Santiago de Compostela. Esta actividade tamén se impartirá no local de JUPEMI, situado na Rúa Figueiras, 3 baixo. A entrada é libre e gratuíta. A concelleira de Servizos Sociais, Familia, Dependencia e Maiores, Dolores Fernández, anima aos maiores e veciños/as amienses a participar no obradoiro de diabete que se desenvolverá a vindeira semana.
Contido relacionado
El Correo Gallego: "O local social de JUPEMI acolleu unha charla sobre o Alzheimer"