A carta alude as consecuencias da aceleración dixital impulsada pola pandemia que provocou perda de servizos e de atención presencial, diminución de persoal, horarios restritivos para a realización de determinados trámites e imposibilidade, en moitos
casos, para facer operacións de xeito presencial nas propias oficinas bancarias.

“Desde a administración -di textualmente a carta- loxicamente, apoiamos os avances nos servizos dixitais,máis é preciso ter en conta o sector da poboación que máis sofre a fenda dixital, como poden ser por exemplo os nosos e as nosas maiores, que en moitas ocasións ven como as entidades financeiras impoñen demasiadas trabas para levar a cabo operacións sinxelas e de primeira necesidade”.

A petición fai referencia asemade a “imposición de importantes comisións”, salientando que  estas “aumentan de xeito unilateral mentres se reducen os servizos”. Inclúese tamén o desacordo coa aparición de campañas que intentan incrementar o uso dos servizos de banca electrónica  “chegando a terse producido algunha campaña ata denigrante para as persoas que se senten incapaces de acceder aos servizos bancarios a través dos sistemas telemáticos”.

Na carta pídese que se transmitan estas queixas ás direccións centrais das entidades bancarias con presenza en Ames para que “se tomen as medidas necesarias” para paliar estas eivas e unha “maior sensibilización co sector poboacional do noso Concello e de Galicia que sofre a fenda dixital”.

Novas relacionadas:

El Correo Gallego: "Chamada á orde contra os bancos polo trato aos maiores"