[28-01-2017] A concelleira de Economía e Facenda, Genma Otero, informa que o pasado xoves, 26 de xaneiro, deuse conta en sesión plenaria da información trimestral que periodicamente se rende ao Pleno, e que incluía a información periódica da execución trimestral do orzamento do cuarto semestre de 2016, o período medio de pago a provedores de acordo co previsto no Real Decreto 635/2014, de 25 de xullo e a información trimestral de morosidade. O goberno municipal conseguiu reducir a 14,77 día o período medio de pago a provedores no cuarto trimestre de 2016. Así, rebaixase en 15 días o límete establecido por lei.
No Pleno ordinario de xaneiro deuse conta da grande redución que experimentou o prazo do período medio de pago a provedores, que a finais do ano 2016 se estableceu en 14,77 días, reducíndose co peche de exercicio na metade con respecto ao terceiro trimestre do 2016 rendido onde era de 30,73 días.
Coa entrada deste goberno en Ames, no terceiro trimestre de 2015, a cifra do período medio de pago a provedores era de 82,65 días e desde entón e ante a elevada ratio que existía, puxéronse en marcha diversas medidas de reorganización dos servizos na que participaron todos os departamentos do Concello para tentar reducir este prazo e cumprir co período legalmente establecido de 30 días. Na actualidade, non só se conseguiu esta redución senón que se está por debaixo do prazo legal establecido, con 14,77 días.
A concelleira de Economía e Facenda, Genma Otero, agradece “o esforzo realizado polas traballadoras/es do Concello e en especial ao departamento económico polo esforzo e traballo realizado. É unha boa nova para os autónomos, empresas e demais provedores que traballan para o noso Concello. O goberno de Ames segue a dar mostras da boa xestión realizada, e podemos afirmar que en Ames, a día de hoxe, non existe morosidade”.
Contido relacionado
La Voz de Galicia: "El Concello de Ames reduce de 30 días a 14 el plazo de medio para pagar las facturas a las empresas con las que contrata"
El Correo Gallego: "Ames reduce a 14,77 días o período de pago a provedores a finais do ano 2016"