Segundo indica Víctor Fernández, Concelleiro de Administración Xeral, “con este inicio das negociacións pretendemos non só comezar xa os traballos, senón facelo sistematicamente, cun calendario de reunións mensuais  e unha metodoloxía que garantan que a negociación se desenvolverá con axilidade e que avanzará con pasos firmes e consistentes. O obxectivo debe ser concluír cun acordo sólido e global para a modificación da  RPT e facelo nun prazo razoable.”

Pola súa banda, Rubén Ramos, presidente do Comité de empresa manifesta que "desde hai moitos anos vimos reclamando unha actualización da RPT , xa que a que esta en vigor data do 2007 e cremos que está moi obsoleta. A RPT é o instrumento de organización mediante o cal o concello estrutura o seu persoal e cremos básico a súa adecuación á realidade actual no tocante a reorganización do traballo, a adecuación salarial ao traballo e as funcións desempeñadas por todos os compañeiros e compañeiras. Esiximos ao goberno axilidade e consenso para levar a negociación a bo porto. Por nós non vai quedar".

A reunión acudiron o alcalde de Ames, Blas García, o concelleiro de Administración Xeral, Victor Fernández, Rosa Moreiras e Rosa García, delegadas sindicais da CIGA, Ramón Cebei, delegado sindical do CSIF, Pablo Moure, representante de Comisións Obreiras e os concelleiros do goberno David Santomil e Gemma Otero.

Está previsto que a vindeira reunión se celebre o martes, 6 de xullo.