Ademais, Eugenia Martín subliñou que o Executivo amiense está analizando casos similares doutros municipios galegos que apostaron pola xestión pública deste servizo para determinar os posibles custes e os pasos que serían necesarios dar para a municipalización do servizo. A comisión volverá reunirse nun prazo de 15-20 días.

Con respecto ao proceso de licitación que quedou deserto, o Executivo amiense destaca que o seu obxectivo sempre foi defender os intereses dos veciños e veciñas do municipio e non os das empresas. En relación ao risco e ventura do que se queixan as empresas, alegando o custe de ter que manter a rede existente e a futura, o Goberno amiense lembra que na lei xa se establece que cando a empresa concesionaria observe desequilibrio económico do contrato pode pedir unha revisión.

Regulamento orgánico de pleno
Con anterioridade á celebración da comisión plenaria de abastecemento e saneamento, a Casa do Concello tamén acolleu a primeira reunión da comisión sobre o regulamento orgánico do pleno. Na reunión, propúxose comezar a traballar polo regulamento orgánico do pleno e celebrar un vindeiro encontro no que achegar posturas e propostas. O obxectivo é traballar sobre a base de regulamento preparada pola Secretaría Xeral do Concello e ir engadindo as propostas.

Contido relacionado

La Voz de Galicia: "El PP amiense estudia la gestión pública del agua y el PSOE la toma «con reservas»"
El Correo Gallego: "El Concello de Ames va a estudiar la posibilidad de autogestionar la traída"