O proxecto amesá de posta en marcha dunha oficina de asesoramento para a creación de comunidades enerxéticas foi avalado polo eurodeputado Nicolás González Casares, que visitou o Concello de Ames para informarse sobre o estado do proxecto, así como para darlle nocións ao departamento técnico municipal sobre as directrices comunitarias que marcarán o aceso a financiamento europeo nos próximos tempos. Casares indicou que “a evolución en materia de eficiencia e aforro enerxético é constante, polo que é necesario estar a vangarda para non quedar atrás. Ames está realizando unha aposta forte e decidida que comezará dar froitos a partir de marzo deste ano”. O alcalde, Blas García, recordou a reunión que mantivo con Casares en Bruxelas en outubro do ano 2022, onde se abordaron as posibilidades para afrontar os retos enerxéticos do futuro en materia de eficiencia e aforro enerxético, en concreto sobre as xa
mencionadas comunidades enerxéticas: “Os froitos desta reunión e de todo o traballo posterior serán palpables a partir do mes de marzo, cando a OTC de Ames estará funcionando e a veciñanza amesá comezará a beneficiarase deste asesoramento para abaratar a da luz”.

Este proxecto de asesoramento para a creación de comunidades enerxéticas tomou forma ao obter unha axuda de 80.000 euros do Instituto para a Diversificación e o Aforro da Enerxía (IDAE), sendo Ames un dos únicos cinco concellos en toda Galicia que conseguiu esta subvención. Estes fondos, enmarcados no plan de recuperación NextGenerationEU, non serán a única achega que reciba o Concello de Ames para a creación desta Oficina de Transición Comunitaria (OTC), pois no último pleno do ano 2023 o Goberno local logrou o apoio unánime da Corporación para a solicitude dunha subvención nominativa á Deputación da Coruña por un total de 25.200 euros. A estes 105.200 euros que suman a axuda eupopea e provincial súmanse 40.000 euros que o Concello de Ames destinará de fondos propios. A inversión total nesta oficina é de 145.200 euros.

Axenda Urbana 2030
Ames está inmerso no proceso de redacción da súa Axenda Urbana 2030, a folla de ruta que vai marcar a estratexia e as accións para levar a cabo ata 2030, para facer das vilas e cidades ámbitos de convivencia amables, acolledores, saudables e concienciados. A elaboración deste documento será de vital importancia para acceder a financiamento comunitario nun futuro. Este documento será consensuado con todos os grupos políticos pois “o futuro de Ames debemos decidilo entre todas e todos. O diálogo e a colaboración entre concelleiros e concelleiras serán vitais para sacar adiante esta axenda”.

A creación deste documento é, un fito que, segundo o eurodeputado, vai condicionar de forma positiva as futuras axudas europeas que poidan chega ao municipio: “O concello de Ames está sendo unha institución exemplar á hora de elaborar a Axenda Urbana 2030, pois actualmente xa está traballado en importantes eidos como son a descarbonización facendo espazos máis vivibles e para as persoas ou a consecución de enerxía barata e limpa para a veciñanza coa OTC que pretenden crear".

Novas relacionadas:

El Correo Gallego: "Espaldarazo desde la UE al proyecto de comunidades energéticas de Ames y su oficina de transición"