A cantar con María Fumaça é un proxecto musical liderado pola cantante Uxía Senlle, que pretende transmitir unha visión optimista sobre a discapacidade na infancia. A través dos bailes e as cancións queren contaxiar a alegría de vivir e conseguir que os máis pequenos da casa asuman comportamentos de tolerancia e igualdade cara aos demais.

Uxía estará acompañada polo acordeonista Santiago Cribeiro e o guitarrista Héctor Lorenzo. Xuntos interpretarán panxoliñas e cancións tradicionais galegas ao longo dunha hora. A entrada para o concerto será gratuíta.