A andaina solidaria, organizada para o día 20 de decembro por parte da Oficina de Voluntariado de Ames e polo departamento de Sanidade, ten como obxectivo as doazóns de produtos de Nadal e/ou produtos de hixiene para os máis desfavorecidos.

Nestas achegas tamén colaborarán colexios e escolas infantís do concello e a Xuntanza de Empresarios de Ames (XEA). Así, os alumnos dos colexios e escolas infantís municipais colaborarán coa recollida de alimentos, mentres que a recen nada XEA colaborará coa recollida de produtos de hixiene persoal para entregar no día do andaina.

Tratarase dunha ruta circular de aproximadamente 5 quilómetros, máis concretamente, a Ruta dos Parques de Bertamiráns. Ademais, todo aquel que lle apeteza poderá asistir disfrazado, con temática libre. Desta maneira, dende o departamento de Benestar Social do Concello de Ames animan a participar no evento solidario a toda á veciñanza, independentemente da súa idade, e axudar dunha maneira divertida a todos aqueles que máis o necesitan.

Novas relacionadas:

Compostela 24 horas: "Andaina solidaria a favor do Banco de Alimentos Municipal de Ames"