Deste xeito, o Concello de Ames porá en marcha a iniciativa de hortas urbanas, que se levou a cabo con éxito en Bertamiráns, no núcleo do Milladoiro no inicio do 2014. Recentemente, vense de rematar o acondicionamento dunha parcela para poñer a disposición dos veciños e veciñas do Milladoiro esta iniciativa sostible. O acondicionamento desta zona foi posible grazas a una subvención dotada con 27.998 euros, concedida pola Consellería de Presidencia a través do Fondo de Compensación Ambiental.

A parcela que se dedicará a hortas urbanas no Milladoiro, e que se poderá visitar o luns 9 de decembro ás 11:00 horas, está situada entre a Rúa do Xeixo e a Rúa do Francés. En total, a parcela conta cunha superficie de 2.017 metros cadrados e prevese que nela se poidan dispoñer 45 hortas para a súa cesión á veciñanza do Milladoiro. A concelleira de Medio Ambiente, María Eugenia Martín, explica que “nesta zona, leváronse a cabo tarefas de acondicionamento do terreo, movemento de terras, e acometeuse o peche da parcela ou instalacións de sistemas de drenaxe e rego”.

Unha vez rematado o proceso de acondicionamento da parcela municipal, está previsto que no inicio do 2014 se proceda á apertura do prazo de solicitudes para que as persoas interesadas poidan ter a posibilidade de contar cunha horta urbana no Milladoiro.

Contido relacionado

La Voz de Galicia: "El Concello organiza el lunes una visita abierta al solar de la huerta urbana de Milladoiro"
El Correo Gallego: "O Concello organiza unha visita aberta para en coñecer a parcela na que se situarán as hortas do Milladoiro"