No mes de setembro a Deputación da Coruña estivo realizando traballos de fresado do asfalto en varias zonas da estrada provincial DP-0205. Posteriormente, a comezos de novembro, procedeuse á mellora do firme desta vía coa aplicación dunha capa de aglomerado, pero non se finalizaron as obras a quedaron pendentes os traballos de pintado en dita vía, e fundamentalmente a sinalización dos pasos e peóns, que teñen un intenso tráfico de persoas e de nenos xa que algúns deles están situados en fronte ás paradas do autobús escolar.

Moitos destes nenos e nenas son alumnos/as do CEIP Agro do Muíño, polo que os seus pais e nais acaban de mostrar o seu molestar ante esta circunstancia e presentaron un escrito esta mañá no rexistro municipal, instando ao organismo provincial a que solucione este problema. Deste xeito, o goberno municipal acaba de enviarlle un escrito a Deputación da Coruña dándolle traslado do malestar destes pais e nais.

O concelleiro de Urbanismo, Obras Públicas e Servizos Básicos, Blas García, indica que “dende o mes de setembro que se iniciaron as obras en dita estrada a día de hoxe continúan sen rematar, o que está a ocasionar graves problemas de seguridade debido á falta da correspondente sinalización. A maiores a falta de sinalización ocasiona un grave trastorno para os peóns, xa que as zonas destinadas a cruzar están sen pintar o que ocasiona un grave risco sobre todo polas tardes e noites. Ademais, un deses pasos de peóns é a zona de paso dos nenos que acoden diariamente á parada de bus escolar”.

O Concello de Ames tamén está traballando para adoptar unhas medidas provisionais de sinalización mentres non se executen os traballos que están pendentes. O concelleiro de Obras Públicas reuniuse co inspector da Policía Local, para ver as medidas que se poden adoptar neste senso. Asemade, dende a Asociación de Pais e Nais Agro do Muíño tamén están realizando xestións para tratar de que a Deputación remate estes traballos o antes posible.