[18-06-2013] O Concello de Ames redobra esforzos e intensifica os traballos de limpeza e desbroce nas cunetas e pistas asfaltadas do municipio a través do tractor municipal, que está funcionando a dobre quenda entre os meses de xuño e outubro. O tractor municipal, dotado dun brazo-desbrozadora, está traballando desde o mes de xuño ata outubro a dobre turno, de mañá e tarde, tendo en conta as necesidades que presenta cada zona. No día de hoxe, estase acometendo a limpeza de pistas e cunetas asfaltadas que discorren entre Capeáns e O Lombao, na zona de Covas.
Desde o pasado 22 de maio, o tractor municipal estivo efectuando traballos de desbroce nos seguintes lugares: Piñeiro, Lens, Tapia, Barreiro, Costoia, Ortoño, Framán, Eirapedriña, Maguxe, Mourigade, Instrumento, Cortes, Condomiña, Punxeiras, Pedregal, Casaliño, Bertamiráns e Castrigo, entre outros.
A previsión para as seguintes xornadas é continuar en Covas e na parroquia de Biduído, entre outras zonas do municipio, e nas próximas semanas seguiranse acometendo traballos de desbroce en pistas, estradas e camiños asfaltados do termo municipal. Os traballos que se están realizando este ano están resultando especialmente dificultosos debido á situación meteorolóxica que se está a rexistrar nos últimos meses.
Durante os meses de inverno, o tractor municipal dotado dun brazo-desbrozadora realiza outros traballos de mantemento que se centran en desbrozar as cunetas das pistas de monte.
Contido relacionado
La Voz de Galicia: "Ames refuerza las tareas de limpieza de cunetas y pistas asfaltadas"