[28-01-2013] O Concello de Ames, a través do departamento de Servizos Sociais, organizou para este mércores 30 de xaneiro, entre as 16:30 h e as 18:00 horas, unha actividade informativa relacionada coa saúde dos maiores. Trátase dun obradoiro sobre a diabete impartido por María Teresa Lord Rodríguez, enfermeira e educadora en diabete do Complexo Hospitalario de Santiago de Compostela. Esta actividade desenvolverase na Casa da Cultura de Bertamiráns. A entrada será libre e gratuíta.
O departamento de Servizos Sociais organizou unha serie de actividades informativas relacionadas coa saúde dos maiores que comezaron no pasado mes de novembro. O pasado 22 de novembro o local do Club de xubilados e pensionistas do Milladoiro acolleu unha charla sobre o Alzheimer, que se titulou Memoria e Enfermidade. Todos os asistentes puxeron especial atención ás explicacións que impartiu Pablo Mirás Sánchez, psicólogo de AGADEA (Asociación galega para a axuda dos enfermos con demencia tipo alzheimer).
Posteriormente, o día 28 de novembro, neste mesmo lugar realizouse un obradoiro de diabete, que tivo moi boa acollida entre a veciñanza amiense. Agora esta mesma actividade desenvolvese na localidade de Bertamiráns. O obradoiro será impartido por María Teresa Lord Rodríguez, enfermeira educadora en diabete do Complexo Hospitalario de Santiago de Compostela. Esta actividade desenvolverase o mércores 30 de xaneiro, entre as 16:30 h e as 18:00 horas, na Casa da Cultura de Bertamiráns. A entrada será libre e gratuíta.
Dende o departamento de Servizos Sociais animan aos maiores e veciños/as amienses a participar no obradoiro de diabete que se desenvolverá este mércores en Bertamiráns.