[14-11-2012] O Concello de Ames ofrece facilidades de fraccionamento e aprazamento do pago aos veciños e veciñas afectadas polo procedemento de comprobación limitada da taxa por actividades e servizos relacionados coa hixiene urbana. Consciente da situación económica actual, o Concello de Ames dálle aos cidadáns todas as facilidades posibles, permitindo o aprazamento do pago ou o fraccionamento en cotas mensuais, en función das cantidades. Premendo nos enlaces que están a túa dereita, baixo o apartado de descargas, poderás descargar os modelos de solicitude.
Para isto, o Concello pon a disposición dos cidadáns dous impresos de solicitude, que poden recoller nas oficinas xerais da Casa do Concello, nas oficinas da empresa concesionaria (Espina&Delfin) e que están dispoñibles na páxina web municipal. As persoas interesadas deben cumprimentalos e presentalos nos rexistros do Concello de Ames.
Existen dous modelos de solicitude a disposición dos veciños e veciñas. Un deles para solicitar o fraccionamento en pagos mensuais. Os pagos de ata 300 euros poderán fraccionarse ata un máximo de 12 meses; os que se atopen entre os 300,01 e os 1.500 euros poderán fraccionarse ata un máximo de 18 meses, e os superiores a 1.500 euros terán ata un máximo de dous anos.
O segundo modelo serve para solicitar o aprazamento nun único pago. Os pagos de ata 300 euros poderán aprazarse ata un máximo de 12 meses; os que se encontren entre os 300 e os 1.500 euros poderán aprazarse ata un máximo de 18 meses, e os de máis de 1.500 terán ata un máximo de dous anos.
Polas cantidades fraccionadas e aprazadas non se esixirán xuros de demora.
Contido relacionado
.JPG)
La Voz de Galicia: "Ames distribuye los impresos para el cobro retroactivo de la polémica tasa de la basura"
El Correo Gallego: "Ames ofrece facilidades de aprazamento e fraccionamento do pago da taxa do lixo aos veciños/as do rural"