[06-02-2018] O Concello de Ames, a través da Concellaría de Urbanismo, Obras Públicas e Servizos Básicos, informa que organizou un operativo especial debido á predición de baixas temperaturas e risco de nevadas dende este martes e ata o mércores pola tarde. Dito operativo comezará a funcionar este martes, 6 de febreiro, a partir das 10:00 horas. Para informar de calquera incidencia que haxa pódese chamar ao 112 ou ao número de teléfono 619 767 575 da Policía Local de Ames.
En dito operativo participarán os axentes da Policía Local de Ames, operarios da brigada municipal de obras e membros da Agrupación de Protección Civil do Concello de Ames. O obxectivo é que un grupo de traballo estea dispoñible por se se rexistra algunha incidencia ou emerxecia durante a noite deste martes e a madrugada do mércores debido as baixas temperaturas que se agardan e o risco de nevadas.