A través da primeira destas adxudicacións realizaranse obras de asfaltado e acceso ao aparcamento do campo de fútbol do Milladoiro e a mellora da seguridade peonil e asfaltado no acceso ao Colexio Alca. Na a obra de asfaltado e acceso ao aparcamento do campo de fútbol do Milladoiro realizarase unha actuación sobre unha superficie total de 2.170 metros cadrados, que está divida en sete treitos. Esta obra inclúe ademais o asfaltado do camiño de acceso ao devandito aparcadoiro que ten unha lonxitude de 105 metros e 3,25 metros de ancho.

A adxudicación tamén recolle os traballos de mellora da seguridade peonil e asfaltado do acceso ao Colexio de Alca. Esta actuación consiste na mellora da seguridade peonil en dous treitos e na mellora da capa de rodaxe do acceso ao devandito colexio. As obras de asfaltado e acceso ao aparcamento do campo de fútbol do Milladoiro e a mellora da seguridade peonil e asfaltado no acceso ao Colexio Alca adxudícanse por valor de 53.366,05 euros.

A segunda adxudicación recolle as obras de acondicionamento da senda peonil que vai dende Tras do Río ata o CEIP Agro do Muíño e a pavimentación dunha senda peonil que vai desde o lugar de Casanova ata Raices. A primeira destas obras consistirá na construción dunha senda peonil de 325 metros de lonxitude e 1,75 metros de ancho. A través da segunda pavimentarase a senda peonil na estrada que vai dende o lugar de Casanova ata Raíces. Nas dúas obras vanse investir un total de 55.941,62.
Todas estas obras están financiadas ao cen por cen con cargo ao Plan de Obras e Servizos 2014 da Deputación Provincial