[26-05-2014] O Concello de Ames, a través do departamento de parques e xardíns, está realizando os traballos de acondicionamento da zona axardinada que existe na mediada da avenida de Rosalía de Castro, que está situada na localidade do Milladoiro. Estes traballos, que se desenvolverán durante esta semana, consisten na limpeza e desbroce da maleza e na poda das árbores e plantas que hai nesta zona. Trátase duns traballos que se realizan con certa periodicidade co obxectivo de manter limpa a zona axardinada da principal vía do Milladoiro.
A avenida de Rosalía de Castro é o eixo viario máis transitado do concello de Ames. Son catro carrís de case un quilómetro de lonxitude que dividen O Milladoiro en dúas metades cunha mediana de cemento. No medio desta mediana existe unha zona axardinada que conta con flores e arbustos ao longo de toda a avenida de Rosalía de Castro. O Concello de Ames acondiciona este xardín de forma periódica para que estea en perfectas condicións.
Para elo, este luns 26 de maio comezaron os traballos de acondicionamento desta zona axardinada que se estende ao longo de toda a avenida de Rosalía de Castro. Durante os próximos días realizaranse labores de limpeza e desbroce da maleza, Ademais, podaranse as plantas e árbores existentes neste lugar.
O concelleiro de Parques e Xardíns, Alfredo Taboada, explicou que “se trata duns traballos de acondicionamento que se realizan todos os anos para que a zona axardinada da mediana da avenida de Rosalía de Castro estea limpa. Estes traballos son moi importantes xa que esta estrada ten un gran tráfico todos os días e non debe haber maleza neste lugar”.
