[09-04-2018] Os rapaces do club de piragüismo Ribeiras do Tambre seguen sumando medallas nos campionatos nos que participan. Durante esta pasada fin de semana (7 e 8 de abril) estiveron na localidade de Trasona (Asturias), para disputar a I Copa de España de Esprint Olímpico desta tempada 2018. Alí acadaron a medalla de bronce na proba do K-4 na distancia de 500 metros.
Este pasado fin de semana do 7 e 8 de abril o Club de piragüismo Ribeiras do Tambre desprazouse con catro deportistas da categoría júnior á localidade de Trasona (Asturias), para disputar a I Copa de España de Esprint Olímpico desta tempada 2018. Os catro deportistas foron Ángel González Gómez, Juan Alfredo Martínez Pereiro, David Otero Romero e Gabriel Martínez Pachón e acadaron un importante terceiro posto formando parte do K-4 de 500 metros.
A embarcación do Ribeiras do Tambre conseguiu este terceiro posto nun final moi apertado, disputando esa terceira praza co Club Naval de Pontevedra e quedando a escasas décimas do Club Ría de Betanzos (1º clasificado) e do Club Real Circulo de Labradores (2º clasificado).
Contido relacionado
El Correo Gallego: "Bronce juvenil del Ribeiras do Tambre en Trasona"
Lindeiros: "O Ribeiras do Tambre bronce na proba na I Copa de España de Esprint Olímpico"
Compostela 24 horas: "El club de piragüismo Riberas del Tambre consigue la medalla de bronce en la prueba del K-4 500 metros de la I Copa de España de Esprint Olímpico"
Compostela 24 horas: "El Ribeiras do Tambre se cuelga el bronce en Trasona"
Ames Go: "Ribeiras do Tambre, bronce no K-4 500 metros da I Copa de España de Esprint Olímpico"