Un ano máis, o club Ames Atletismo invita a toda a rapazada do concello a participar nas xornadas de portas abertas para probar e coñecer este deporte sen ningún compromiso. Trátase dun club que nace co propósito de ensinar tódalas disciplinas do atletismo dun modo divertido e formando en valores coma o esforzo, a constancia e o compañeirismo, tan presentes neste gran deporte.

As categorías están abertas dende o 2014 tendo como obxectivo que os/as nenos/as descubran e adestren dende salto de lonxitude, a lanzamento de martelo, pasando polas carreiras de fondo, a xavelina, o salto de altura, etc. En definitiva, que proben todo tipo de probas dentro do atletismo.

Para máis información pódese contactar co club escribindo un correo electrónico ao enderezo amesatletismo@gmail.com.