O Departamento de Promoción da Saúde segue a fomentar hábitos de vida saúdables a través do programa “Saúde nas prazas”. Dun xeito lúdico e divertido o programa anima á veciñanza amesá a coidar a saúde física e emocional. As actividades desenvólvense ás 20.30 horas nas prazas do Milladoiro e Bertamiráns ao longo dos meses de xullo e agosto. Preme nesta ligazón para consultar os horarios e lugares nos que se realizará cada actividade.
O baile foi o protagonista do programa “Saúde nas prazas” no mes de xullo. A actividade despídese cunha nova xornada de baile de rúa que terá lugar mañá martes 27 de xullo na Praza de Chavián, en Bertamiráns.
Tras o baile chega a quenda do combat. O combat encherá o martes día 3 e o 17 de agosto a Praza Horta de arriba, en Bertamiráns e o luns 9 o entorno da Casa da Cultura do Milladoiro.
O luns 23 colle o relevo o ioga cunha sesión no Pazo da Peregrina.
O programa “Saúde nas prazas” clausurarase o martes 31 de agosto cunha xornada que vai combinar o baile na rúa, o combat e o ioga.
Actividade física ao aire libre e dun xeito lúdico. Esta é a receita que o Departamento de Promoción da Saúde pon á disposición das/os veciñas/as de Ames para coidar a saúde física e emocional. Todas as actividades están programadas, ás 20.30 horas, e percorreran a Praza Horta de Arriba, a da Madalena, a de Chavián, o entorno da Casa da Cultura e o Pazo da Peregrina. Preme nesta ligazón para consultar os horarios e lugares nos que se realizará cada actividade.
Novas relacionadas:
El Correo Gallego: "O baile, o combat mailo ioga enchen as prazas de Bertamiráns e Milladoiro"
Revista AmesGO: "Baile, combat e ioga enchen as rúas de Ames co ‘Saúde nas prazas’ "
