Ana Ruso terá ao seu cargo as delegacións de Asociacionismo, Igualdade, Muller, Xuventude, Seguridade, Transportes e Voluntariado. A punto de cumprir 27 anos, Ruso, que xa formaba parte do persoal do gabinete do alcalde, agradece a confianza depositada nela e destaca que asume a súa tarefa de goberno con “enorme responsabilidade, vocación de servizo e gran ilusión”.  

Pola súa parte, Amor manifesta a súa satisfacción por incorporar ao goberno municipal a unha persoa tan vital, comprometida e ben coñecedora da realidade amesá: “Ana é unha muller nova e xenerosa, pero con moita experiencia nas lides municipais, que fará un estupendo labor no ámbito competencial encomendado, sobre todo en todo o tocante aos xoves e ás asociacións e colectivos sociais”.  

O rexedor amesán indica que o Goberno municipal afronta con resolución, entrega e entusiasmo a recta final do mandato, “pensando coma sempre e exclusivamente no interese xeral e nos veciños de Ames”, segundo apostila.

Contido relacionado

El Correo Gallego: "O alcalde de Ames incorpora a nova concelleira Ana Ruso ao seu equipo de goberno"
La Voz de Galicia: "El alcalde de Ames reorganiza su equipo de gobierno con la incorporación de Ana Ruso"